Tschiera

Zusatztext

Tschiera quinta da la necessità dolurusa da tour cumgià d'ün lö chi nun es plü il dachasa d'üna jada.
 Aita venda la chasa paterna cuort davo cha sia mamma es morta ¿ las duos perditas büttan cumplettamaing suotsura la vita da la duonna giuvna. Intant seis anteriur conscolar, il butier Luis, prouva da persvader a la populaziun locala da far frunt al marchà d'immobiglias da luxus chi diminuischa vieplü il nomer d'abitaziuns pajablas illa val ¿ ün cumbat solitari chi til fa disperar.
 
 In raquint raffinà ¿ poetic, politic e commovent.

Autorenportrait

Flurina Badel es artista ed autura. Davo üna prüma scolaziun da schurnalissem ed ün stüdi da comunicaziun e lavur publica, ha ella lavurà tanter oter sco cineasta e moderatura. Flurina Badel ha absolt il Master of Fine Arts a l'Institut Art Gender Nature da la HGK FHNW a Basilea ed ha stübgià a l'Institut per art litterara da l'Università d'art applichada a Vienna. Ella scriva e perfuorma texts litterars in diversas linguas. L'on 2019 es cumparü seis prüm tom da poesias «tinnitus tropic» (editionmevinapuorger, Turich) chi'd es gnü premià cul Premi Svizzer da Litteratura 2020. «Tschiera» es seis prüm roman. Ella ha survgni per quel il Premi grischun da litteratura 2025.

Weitere Details